നീണ്ടു നീണ്ട പ്രണയത്തിനു ഒടുവിലാണ്
ഞാന് നിന്നെ അതു അറിയിച്ചത് .
അന്നു നീ ചോദിച്ചപോലെ , നീ ആരെന്നു
അറിയില്ലായിരുന്നു , എനിക്ക്.
കണ്ണുകള് അടയ്ക്കപെട്ട , നിശബ്ദമായ
ഒരു അനുഭൂതി മാത്രമയിരുന്നു എന്റെതു.
അഭ്യര്ഥനകള് അധികം ആയപ്പോഴാവണം നീ പറഞ്ഞത്
ഞാന് നേട്ടങ്ങള് ഒന്നും ഇല്ലാത്തവന് ആണെന്ന് .
യാഥാര്ത്ഥ്യവും അത് തന്നെ ആയിരുന്നുവോ ?
ഹൃദയവും,പ്രണയവും ,സ്വപ്നങ്ങളും എല്ലാം
മൂല്യംഅറ്റവ മാത്രമാണോ?
നാളെ നിന്റെ വിവാഹമാണ് .
ഇപ്പോള് നീ നനയുന്ന ഈ മഴ എന്റെ കണ്ണീരാണ് ,
തട്ടി തെറിപ്പിക്കുന്നത് എന്റെ ഒരുപാടുനാളത്തെ
സ്വപ്നങ്ങളും.
.
മഴ തോരുമായിരിക്കാം ,പക്ഷെ മഴക്കാറുകള് ?
ഞാന് അതെങ്കിലും സൂക്ഷിച്ചു വയ്ക്കട്ടെ .
അനുവദിക്കൂ.....
No comments:
Post a Comment